Борис Будаевын нэрэмжит тэмцээнээс Б.Баасанням мөнгөн медаль хүртлээ.

Чөлөөт бөхийн залуучууд, насанд хүрэгчдийн дэлхийн аварга, Европын болон Азийн аварга Буриадын нэрт бөх Борис Дугданович Будаевын нэрэмжит залуучуудын (18-20 нас) олон улсын уламжлалт тэмцээн 07 сарын 27-ний өдөр Улаан-Үд хотод болж өнгөрлөө. Будаевын 60 насны түүхт ойд зориулсан 25 дахь удаагийн тэмцээнд Монгол, БНХАУ, БНСУ, Казахстан, ОХУ-ын Буриад, Забайкаль, Якут, Тува, Дагестан, Кабардино-Балкар, Ставрополь, Кемерово, Красноярск, Хакас, Эрхүү, Нобисибирскийн 112 тамирчин эрэгтэйчүүдийн найман жинд өрсөлдөв. Манай улсаас ОУХМ Ц.Гантөгс, Г.Амархүү нарын удирдлага дор 20 гаруй тамирчин зодоглосноос гурван мөнгө, хоёр хүрэл медаль хүртэв. Женко клубын тамирчин Б.Баасаннямын хувьд гурван барилдаан хийж ялснаар аваргын төлөө барилдах эрхтэй болсон юм. Аваргын төлөө барилдаанд ОХУ, Красноярскын Усман Шахгариевтай барилдаж хожигдсон юм. Б.Баасанням нь 2014 оны ОУ-ын хүүхдийн их наадмаас мөнгөн медаль, 2015 оны Өсвөр үеийн аварга шалгаруулах тэмцээнээс мөнгөн медаль,"ASASHORYU  CUP" олон улсын тэмцээнээс хүрэл  медаль тус тус хүртэж байсан юм. Мөн тэрээр энэ жилийн НХУАШТ(Насанд хүрэгчидийн улсын аварга шалгаруулах) тэмцээнэээр саяхан гавьяат тамирчин болсон Б.Номинтой энэ тэнцүүхэн барилдаж туршлага дутагтаж хожигдсон юм. Чөлөөт бөх сонирхогчидын анхааралд хэдийнээ ороод амжсан хүү ийнхүү "Борис Будаевын" нэрэмжит тэмцээнээс анхны медалиа зүүлээ.


Холбоотой мэдээлэл
Бүх Японы улсын аваргаар түрүүлсэн

Бүх Японы улсын аваргаар түрүүлсэн "Женко" клубын тамирчин Б.Халиун.

Бүх Японы улсын аваргаар "Женко" клубын тамирчин Бямбасүрэнгийн Халиун түрүүлсэн байна. 2017 оны 7 сарын 21-23 ний өдрүүдэд "Kyushuu" хотод болсон чөлөөт бөхийн идэрчүүдийн "Бүх Японы" улсын аварга шалгаруулах тэмцээнд 45 кг жинд түрүүлсэн юм.

Парисын ДАШТ-д зодоглох гэж буй Монгол улсын чөлөөт бөхийн баг тамирчдын барилдах хуваарь .

Парисын ДАШТ-д зодоглох гэж буй Монгол улсын чөлөөт бөхийн баг тамирчдын барилдах хуваарь .

08.23 эмэгтэй чөлөөт бөх: 55 кг: Эрхэмбаярын Даваачимэг (“Хилчин” спорт хороо),58 кг: Алтанцэцэгийн Батцэцэг (“Хасу-Мегастарс” клуб),63 кг: Пүрэвдоржийн Орхон (“Алдар” спорт хороо),75 кг: Ган-Очирын Уртнасан (“Хилчин” спорт хороо) 08.24 эмэгтэй чөлөөт бөх :48 кг: Эрдэнэсүхийн Нарангэрэл (“Хангарьд” спорт хороо),53 кг: Даваасүхийн Отгонцэцэг (“Хасу-Мегастарс” клуб),60 кг: Баатаржавын Шоовдор (“Хилчин” спорт хороо),69 кг: Очирбатын Насанбурмаа (“Алтай” констракшин) 08.25 эрэгтэй чөлөөт бөх: 57 кг: Эрдэнэбатын Бэхбаяр (“Хангарьд” спорт хороо),61 кг: Түмэнбилэгийн Түвшинтулга (“Аваргууд” академи),86 кг: Оргодолын Үйтүмэн (“Алдар” спорт хороо),125 кг: Нацагсүрэнгийн Золбоо (“Хүч” спорт хороо) 08.26 эрэгтэй  чөлөөт бөх :  65 кг: Нармандахын Лхамгармаа (“Алдар” спорт хороо),70 кг: Ганзоригийн Мандахнаран (“Алдар” спорт хороо),74 кг: Доржваанчигийн Гомбодорж (“Сүлд” спорт хороо),97 кг: Өлзийсайханы Батзул (“Хүч” спорт хороо)

"Монгол Туургатан" хүүхдийн их наадам "Женко" клубын тамирчид "Фото" мэдээлэл.

"Монгол Туургатан" хүүхдийн их наадам "Женко" клубын тамирчид "Фото" мэдээлэл.

Сургалтын видео


Зургийн цомог


Цагийн хуваарь
Буянт Ухаа Спортын ордон
Баянгол зочид буудал