Сайн байна уу ?  Юуны өмнө  Оюутны Универсиад наадмын аварга болсонд баяр хүргэе.
-Баярлалаа.
Чөлөөт бөхөөр хичээллээд хэдэн жил болж байна вэ?
-2011 оны 11 сард анх Женко клубт элсэн орж хичээллэж эхэлсэн. Чөлөөт бөхийн спорттой сэтгэл зүрхээ холбож, бэлтгэлээ базааж эхэлснээс хойш  6 жил өнгөрчээ.
Төрсөн нутаг, угаасан ус хүнд их сонин байдаг. Аль аймагт төрж өссөн бэ? 
-Ховд аймгийн Булган суманд төрсөн.

Улаанбаатар хотод хэзээ орж ирсэн бэ?

-Аймагтаа нэг их удалгүй байж байгаад намайг 4 настай байхад   2001 онд манай  Улаанбаатар хот рүү нүүж,ирсэн.

Бөхийн ертөнцөд анх хөтлөн оруулсан багшийнхаа талаар дурсаач?
-Женко клубын захирал С.Мөнхсүх багш  маань хамгийн анх бөхийн ертөнцөд дагуулж орж байсан. Одоо МУГД Түмэндэмбэрэлийн Сүхбаатар багшийнхаа  удирдаган доор Женко клубт бэлтгэл хийж байна.
Чөлөөт бөхөөр хичээллэхэд нөлөө үзүүлж, урам өгсөн   ямар тэмцээн байсан бэ?
-2013 оны Өсвөр үеийн улсын аварга шалгаруулах тэмцээнд анх удаа орж хүрэл медаль авч байсан маань  мартагддаггүй. Энэ тэмцээн, энэ медалиасаа  урам авч цаашид ер нь чөлөөт бөхийн спортоор хичээллэж, мөрөөдөлдөө хүрч болох юм байна гэж бодоод бэлтгэлээ эрчимтэй, шаргуу хийж эхэлсэн.
Гэр бүлийнхэн чинь хэр дэмждэг вэ?
-Манай аав их дэмжиж урам өгдөг. Аавдаа их баярлаж явдаг.
Тамирчин хүн  болгон дэвжээнд гарахдаа нэг зүйл бодож гардаг.  Барилдахын өмнө буюу дэвжээнд гарахдаа юу боддог вэ?
-Миний хувьд аавыгаа их боддог. Охин хүүхдэд барилдахыг зөвшөөрч өдий зэрэгт хүргэсэнд их баярлаж явдаг.
Медаль хүртэх агшинд   юу бодогддог вэ?
-Аавыгаа, гэр бүлийнхнийгээ, багшийгаа, бэлтгэлийнхнийгээ л боддог.
Өөртөө урам зориг өгдөг, хэлэх дуртай үг  үг юу вэ?
-“Амжилт миний атганд”гэж би өөртөө үргэлж хэлэх дуртай. Энэ үг л хамгийн түрүүнд  санаанд орж ирдэг.
 Чөлөөт бөхөөр хичээллэж байгаа ирээдүйн олимп,тив,дэлхийн  аварга дүү нартаа хандаж үг хэлнэ  үү ?
-Хүн болгон л дэвжээн дээр гараад сандардаг, ялагддаг, ялдаг. Чи өөрийгөө ялан дийлж чадвал ямар ч хүчтэй өрсөлдөгчөө  ялж чадна гэж  хэлэхийг хүсч байна.
Цаашдын тэмцээн уралдаанд тань  спортын өндөр амжилт хүсье.
За баярлалаа

 

undefined

 


Холбоотой мэдээлэл
НӨХӨРСӨГ ХАЛЗ БАРИЛДААНД ЯКУТУУД 6:2-ООР ДАВАМГАЙЛЖЭЭ

НӨХӨРСӨГ ХАЛЗ БАРИЛДААНД ЯКУТУУД 6:2-ООР ДАВАМГАЙЛЖЭЭ

Монголын чөлөөт бөхийн эрэгтэй бөхчүүд нэрт дасгалжуулагч Дмитрий Коркиний нэрэмжит ОУТ-ий өмнө Якутын бөхчүүдтэй хамтарсан бэлтгэл хийж байгаа билээ. Тэгвэл хоёр орны бөхчүүдийн дунд нөхөрсөг халз барилдааныг өнөөдөр эрэгтэйчүүдийн найман жинд зохион байгуулж, талбайн эзэд 6:2-оор давамгайллаа. Манай улсаас хоёр ялалтыг хүнд жинд байгуулсан юм. Тодруулбал, 97 кг-д өнгөрсөн жилийн Борис Будаевын нэрэмжит залуучуудын ОУТ-ий аварга Б.Одсүрэн Никита Валеевийг 10:4-өөр, 125 кг-д залуучуудын Азийн АШТ-ий мөнгөн медальт, “Монголиа Опен” ОУТ-ий хүрэл медальт М.Лхагвагэрэл Ион Болтуновыг 9:0-ээр тус тус ялжээ. Харин өнгөрсөн жилийн Коркиний нэрэмжит тэмцээний хүрэл медальт ОУХМ Т.Тулга эзэн орны Константин Власовт 2:4-өөр, үлдсэн нь өрсөлдөгчдөө оноогоор цэвэр ялагдсан байна.

МОНГОЛ, ЯКУТЫН БӨХЧҮҮД НӨХӨРСӨГ ХАЛЗ БАРИЛДАНА

МОНГОЛ, ЯКУТЫН БӨХЧҮҮД НӨХӨРСӨГ ХАЛЗ БАРИЛДАНА

МОНГОЛ, ЯКУТЫН БӨХЧҮҮД НӨХӨРСӨГ ХАЛЗ БАРИЛДАНА

МОНГОЛЫН ТАВАН ТАМИРЧИН КЕМЕРОВОГ ЗОРИВ

МОНГОЛЫН ТАВАН ТАМИРЧИН КЕМЕРОВОГ ЗОРИВ

МОНГОЛЫН ТАВАН ТАМИРЧИН КЕМЕРОВОГ ЗОРИВ

Сургалтын видео


Зургийн цомог


Цагийн хуваарь
Буянт Ухаа Спортын ордон
Баянгол зочид буудал